தலைவர்கள்

தலைவர்கள்
BSNLEU - கோவை மாவட்டச் சங்கம் உங்களை தோழமையுடன் வரவேற்கிறது

வியாழன், 22 மார்ச், 2018

17 வது சங்க அமைப்புதினம்

BSNLEU சங்க அமைப்புதினத்தை முன்னிட்டு அனைவரும் BSNL நிறுவனத்தை காப்போம் !  BSNL லின்  சேவையை மக்களிடம் கொண்டு செல்வோம் என்று  உறுதியேற்போம்

வியாழன், 8 மார்ச், 2018

மகளிர் தின வாழ்த்துக்கள்


மார்ச் 8ஆம் திகதி உலகம் முழுவதும் மகளிர் தினம் விமரிசையாக கொண்டாடப்படுகிறது. தாயாக, மனைவியாக, தங்கையாக, மகளாக என்று நம் உறவின் அனைத்து பகுதியிலும் நீக்கமற நிறைந்திருப்பவர்கள் பெண்கள். ஒவ்வொரு ஆணின் வெற்றிக்கு பின்னாலும் ஒரு பெண் இருப்பாள் என்று கூறப்படுவது இதனால்தான். ஒருவரின் சொந்த நாடு கூட, தாய் நாடு என்றுதான் அழைக்கப்படுகிறது.
இதேபோல் நதிகள், மலைகள் என்று முக்கியமானவை அனைத்துக்கும் பெண்கள் பெயர்கள்தான் வைக்கப்படுகிறது. அந்த அளவுக்கு பெண்மைக்கு அதிக முக்கியத்துவம் அளிக்கப்படுகிறது. பெண்களை போற்றும் விதத்தில் ஒவ்வொரு ஆண்டும் மார்ச் 8ஆம் திகதி உலகம் முழுவதும் பெண்கள் தினம் கொண்டாடப்பட்டு வருகிறது.
தோல்விகளை கண்டு துவண்டு விடாது அதனை எதிர்கொண்டு  வாழ்வில் வெற்றிக்கண்ட பல பெண்கள் நம் மத்தியில் வாழ்கின்றனர்.
அவ்வாறான பெண்களுக்கு மட்டுமன்றி அனைத்து பெண்களுக்கும் இன்றைய நாளில் நியுஸ்பெஸ்ட் மகளீர் தின வாழ்த்துக்களை தெரிவிப்பதில் மகிழ்ச்சியடைகின்றது.
மகளிர் தின வரலாறு
1789 ஆம் ஆண்டு ஜூன் 14 ஆம் திகதி சுதந்திரத்துவம், சமத்துவம், பிரநிதிநித்துவம் என்ற கோரிக்கைகளை முன்வைத்து பிரெஞ்சுப் புரட்சியின் போது பாரிஸில் உள்ள பெண்கள் போர்க்கொடி உயர்த்தினர்.
ஆணுக்கு நிகராக பெண்கள் இந்தச் சமுதாயத்தில் உரிமைகள் பெற வேண்டும் என்றும், வேலைக்கேற்ற ஊதியம், எட்டு மணிநேர வேலை, பெண்களுக்கு வாக்குரிமை, பெண்கள் பெண்ணடிமைகளாக நடத்தப்படுவதிலிருந்து விடுதலை வேண்டும் என்றும் பெண்கள் கிளர்ச்சிகளில் ஈடுபட்டனர்.
புயலாகக் கிளம்பிய பூவையரை துரும்பாக எண்ணிய அந்நாட்டு அரசன் இடியென முழங்கி, இவர்களை என் அதிகாரம் கொண்டு அடக்குவேன் என்றும், ஆர்ப்பாட்டத்தில் ஈடுபடுவோரைக் கைது செய்வேன் எனவும் அறிவித்தான்.
அரச மாளிகை முன்பு ஆர்ப்பாட்டத்தில் ஈடுபட்ட அனைவரையும் கைது செய்வோம் என்று மிரட்டிய அரசனின் மெய்க்காப்பாளர் இருவரையும் திடீரென கூட்டத்தினர் பாய்ந்து தாக்கிக் கொன்றனர். இதை எதிர்பாராத அரசன் அதிர்ந்து போனான். கோரிக்கைகளை கண்டிப்பாக பரிசீலிப்பேன். உங்களுக்குச் சாதகமாக அறிவிப்பேன் என்று ஆர்ப்பாட்டத்தில் கொதித்தெழுந்தவர்களைச் சமாதானப் படுத்தினான்.
இயலாது போகவும், அரசன் லூயிஸ் பிலிப் முடிதுறந்தான். இந்தச் செய்தி ஐரோப்பிய நாடுகளில் வேகமாகப் பரவிட அங்கும் பெண்கள் போராட்டங்களில் ஈடுபட்டனர். தொடர்ந்து கிரீஸில் லிசிஸ்ட்ரடா தலைமையில் ஜெர்மனி, ஆஸ்திரியா, டென்மார்க் நாடுகளைச் சேர்ந்த பெண் பிரதிநிதிகள் கலந்துகொண்டு தொடர் போராட்டங்களில் ஈடுபட ஆளும் வர்க்கம் அசைந்து கொடுக்கத் தொடங்கியது.
இத்தாலியிலும் பெண்கள் இதுதான் சமயம் என்று தங்களது நீண்டநாள் கோரிக்கையான வாக்குரிமையைக் கேட்டு ஆர்ப்பாட்டங்களில் இறங்கினர். பிரான்சில், புருஸ்ஸியனில் இரண்டாவது குடியரசை நிறுவிய லூயிஸ் பிளாங்க், பெண்களை அரசவை ஆலோசனைக் குழுக்களில் இடம்பெறச் செய்யவும் பெண்களுக்கு வாக்குரிமை அளிக்கவும் ஒப்புதல் தந்தான். அந்த நாள் 1848 ஆம் ஆண்டு மார்ச் 8ம் நாளாகும். அந்த மார்ச் 8 ஆம் நாள் தான் அனைத்துலக பெண்கள் நாள் உலகெங்கும் அமைய ஒரு வித்தாக அமைந்தது..தோழியர்களுக்கு
பெண்களுக்கெதிரான கொடுமைகளை கண்டு அயர்ந்து போகாமல் எதிர்த்து நின்று பிரகாசிப்போம்என்பதுதான் இந்த வருட மகளிர் தினத்தில் பெண்கள் இந்த உலகத்திற்கு தெரிவிக்கும் செய்தி.
* உலகில் உள்ள ஏறத்தாழ 3 கோடி அகதிகளில் 80 முதல் 85 சதவித்தினர் பெண்கள்.
* தினமும் பிரசவத்தின் போது 1,600 பெண்கள் மரணமடைகிறார்கள்.
* ஸ்வீடன், கனடா, நார்வே, அமெரிக்கா, பின்லாந்துப் பெண்கள் ஆயுள், கல்வி, வருமானம் முதலியவற்றில் முன்னேற்றம் அடைந்துள்ளார்கள்.
* பெண்களுக்கு ஓட்டுரிமை அளித்த நாடுகளில் முதன்மை பெறுவது நியூசிலாந்து. 1893-ஆம் ஆண்டிலிருந்து அங்கு பெண்கள் ஓட்டளித்து வருகிறார்கள்.
* இதுவரை உலகில் 28 பெண்களே நாட்டின் தலைமைப் பொறுப்பை ஏற்று நடத்தியுள்ளனர். சர்வதேச நாடாளுமன்றங்களில் இதுவரை 14.1 சதவீதத்துக்கு மேல் பெண்கள் இடம் பெற்றுள்ளார்கள்.
* ஸ்வீடனில் 1995-இல் அமைச்சரவையில் பெண்கள் சமவிகிதத்தில் இடம் பெற்றனர். அன்று தொடங்கிய போராட்டம் இன்றும் தொடர்ந்து கொண்டிருக்கிறது! காலத்தின் தேவைக்கேற்ப மகளிர் எதிர்கொள்ளும் சவால்களை முன் வைத்துப் போராடி வருகின்றனர்!
உலகெங்கும் உள்ள பெண்களுக்கு மகளிர் தின வாழ்த்துகள்

வெள்ளி, 23 பிப்ரவரி, 2018

டெல்லி புகைப்படங்கள்


டெல்லி தகவல்

இன்று டெல்லியில் நடைபெற்ற சஞ்சார் பவன் முற்றுகை பேரணியில் நிர்வாகம் இறங்கி வந்துள்ளது. அதனடிப்படையில் நிர்வாகம் சங்கங்களுக்கு  தொழிற்சங்க உரிமையை பறிக்கும்  இரண்டு கடிதங்களை திரும்ப பெற்றுள்ளது.மேலும் இன்று நிர்வாகத்துடனும், நாளை மத்திய அமைச்சருடனும்  பேச்சுவார்த்தை நடைபெறும் என்று டெல்லியில் இருந்து நமது மாவட்ட செயலர் தெரிவித்துள்ளார்.


ஆர்ப்பாட்டம்

டெல்லியில் இன்று நடைபெறும் பேரணியில் பங்கேற்க உள்ள தோழர்களை வாழ்த்தியும்,நிர்வாகத்தின் தொழிலாளர் விரோத போக்கை கண்டித்தும் கோவையில் மாபெரும் ஆர்ப்பாட்டம் நடைபெற்றது. கண்டன ஆர்ப்பாட்டம் கோவை மெயின், பொள்ளாச்சி, திருப்பூர் பகுதிகளில் நடைபெற அறைகூவல் விடுக்கப்பட்டது. ஆர்ப்பாட்டத்தில் அனைத்து சங்க தோழர்களும் கலந்து கொண்டனர்.



வியாழன், 22 பிப்ரவரி, 2018

ஆர்ப்பாட்டம்

தோழர்களே ! வணக்கம், அனைத்துச்சங்கங்களின் சார்பாக டெல்லியில் சஞ்சார்பவன் முற்றுகை போராட்டம் நாளை 23-02-2018 ல் நடைபெற உள்ளது.நாடு முழுவதும் பல ஆயிரக்கணக்கான தோழர்கள் இம்முற்றுகை போராட்டத்தில் கலந்து கொள்ள சென்றுள்ளனர். வழக்கம் போல நிர்வாகம் போராட்டத்தை முறியடிக்க பல்வேறு குறுக்கு வழிகளை( தடையுத்திரவு,அனுமதி மறுப்பு) மேற்கொண்டுள்ளது.எனவே முற்றுகை போராட்டம் வெற்றிபெறவும்,தோழர்களின் போராட்டத்திற்கு ஆதரவளித்தும்,நிர்வாகத்தின் தொழிலாளர் விரோதப்போக்கை கண்டித்தும் நாளை  23.02.2018 காலை  11.30 மணி அளவில் கோவை மெயின் தொலைபேசி நிலையத்தில் ஆர்ப்பாட்டம் நடைபெற உள்ளது.எனவே மாவட்ட,கிளை ,முன்னனி நிர்வாகிகள்,தோழர்,தோழியர்கள் பெரும் அளவில் கலந்து கொள்ள வேண்டுகிறோம்..

புதன், 21 பிப்ரவரி, 2018

டெல்லி பயணம்


ஊழியர்களுக்கு 429 ரூபாய் திட்டத்தை அமல்படுத்துக...

BSNL ஊழியர் சங்கத்தின் பொது செயலாளர் தோழர் P.அபிமன்யு மற்றும் தோழர் ஜான் வர்கீஸ் AGS BSNLEU ஆகியோர் 20.02.2018 அன்று கார்ப்பரேட் அலுவலகத்தில் உள்ள GM(Adm) திரு S.K.சின்ஹா அவர்களை சந்தித்து 35வது தேசிய கவுன்சிலில் விவாதித்த படி ஊழியர்களுக்கு இலவச 200 ரூபாய் திட்டத்திற்கு பதிலாக அவர்களது சிம்கார்டில் 429/- ரூபாய் திட்டத்தை உடனடியாக அமலாக்க கோரினர். மேலும் ஓய்வூதியர்களுக்கு வவுச்சர் இல்லாமல் மருத்துவ படி வழங்கும் திட்டத்தை தொடர்ந்து அமலாக்கவும் கோரினார்கள். இந்த இரண்டு கோரிக்கைகளையும் பரிசீலித்து ஆவன செய்வதாக GM(Admn) உறுதி அளித்துள்ளார்.

Wednesday, 21 February, 2018 DOT செயலருடன் ALL UNIONS AND ASSOCIATIONS OF BSNL தலைவர்கள் சந்திப்பு....

ALL UNIONS AND ASSOCIATIONS OF BSNL சார்பாக தோழர் P.அபிமன்யு GS BSNLEU, தோழர் K.செபாஸ்டியன் GS SNEA மற்றும் தோழர் பிரகலாத் ராய் GS AIBSNLEA ஆகியோர் DOT செயலாளர் திருமிகு அருணா சுந்தர் ராஜன் அவர்களை 20.02.2018 அன்று சந்தித்து நமது கோரிக்கைகளுக்கு தீர்வு காணும் படி வலியுறுத்தினர். குறுகிய காலம் நடைபெற்ற இந்த சந்திப்பில் நமது தலைவர்கள் 3வது ஊதிய மாற்றம் மற்றும் ஓய்வூதிய மாற்றம் தொடர்பாக குறிப்பாக வலியுறுத்தினர். நமது தலைவர்களின் கோரிக்கைகளை அக்கறையுடன் கவனித்த DOT செயலாளர், இது தொடர்பாக பரிசீலிப்பதாக உறுதி அளித்துள்ளார்.

ஞாயிறு, 11 பிப்ரவரி, 2018

பணி ஓய்வு சிறக்க வாழ்த்துக்கள்

BSNL ஊழியர் சங்கத்தின் உதவி மாநில செயலாளரும், அகில இந்திய மற்றும் தமிழ் மாநில BSNL WWCCயின் அமைப்பாளருமான தோழர் P.இந்திரா 31.01.2018 அன்று பணி ஓய்வு பெற்றுள்ளார். அவருக்கு நாகர்கோவில் மாவட்ட சங்கத்தின் சார்பில் 12.02.2018 அன்று பணி ஓய்வு பாராட்டு விழா நடைபெற உள்ளது. அவரது ஓய்வு கால பணி சிறக்க கோவை மாவட்ட சங்கத்தின் வாழ்த்துக்கள்.

வெள்ளி, 9 பிப்ரவரி, 2018

தோழர் A.G.பசுபதி மறைந்தார்

தமிழக NFPE P4 சங்கத்தின் தமிழ் மாநில செயலாளராக பல ஆண்டு காலம் பணியாற்றிய தோழர் A.G.பசுபதி அவர்கள் 07.02.2018 அன்று இரவு 10.00 மணிக்கு சென்னையில் காலமானார் என்பதை வருத்தத்துடன் பதிவு செய்கிறோம். மிகச் சிறந்த போராளியான தோழர் பசுபதி தற்போது தமிழக தபால் ஊழியர்களின் ஓய்வூதியர் அமைப்பின் புரவலராகவும் பணியாற்றி வந்தார். தோழர் பசுபதிக்கு கோவை மாவட்ட BSNL ஊழியர் சங்கம் தனது அஞ்சலியை உரித்தாக்கிக் கொள்கிறது.